Tshi nipaiati peikᵘ kie ma nishᵘ, tshe pashak uiashinu, tshika naikamᵘ uikuaiatshikunu tshe pitatshet piminu tshetshi mitshiht pimiatshikunu.
Tshika tutamᵘ pitama uashuakanashkua, tshe ui nipaiat utshashumekua, tshika apashtau ushkuai-utinu uashuati.
Mishta-minu-tshishikashu, natuapamakanuat pineshuat, utshishtuna ui mishkakanua.
Eukuannu aitipanat nananat nimushuminanat.
Mukᵘ ipanat uinuau, aishkat apu tshika ut tshissinuapamikut innu utauassima, aianishkat tshe petuteniti.
– Pitshau anite uetuteiakᵘ, ipan nimushum.
Tanite mitshetuau animiu, mitshetuau peikussu.
– Ne ishpimit ka tat, Ka Tipenitak eukuan tshe uitshitakᵘ, eka ui uni-tshissi, nitikuti nana nukum.
Kassinu ute tekuak tshekuan, nipi, nekau, shakaikana, tipenitamᵘ nenu.
Minuenitamᵘ nenu ka itak, ui ashteieshkushiu.
