Kapi mukᵘ tshiam nipa minashapan pitama. Shiueniani nika natueniten tshekuan.
Eukuan utin eshinakuak, auassat kenuenimataui anu mishau atushkan.
Shash a tshin tshitshi kushpin euassiuin?
Ma nita tshitshishkutamakaun tshetshi tutaman pashteu-uiash?
Eshe! Animan ushkat tshetshi eka natamikᵘ itishaman tshia?
Ekᵘ ninan, nukum mak nishimat, ninatshi-mamushatshinetan mita, akuaunissitakua.
Eka tapue! Ekute innu nanitam inniuipan, ekute pakassiuipan, ekute minashkuat nanitam tapan.
Ne kanapua uet kukuetshimitan, nui kushpinan takuatshiki, auassat nui tshitutananat. Tshetshi kanapua nishtuapatahk ka ishinniunanunit ueshkat.
Eukuan ma kie tshika minuatamuat. Minupaniti kie ninan, eukuan tshe tutamat.
