Tshekuan ua minin? Kapi, nipishapui? Ma tshui mitshin tshekuan?
Kapi mukᵘ tshiam nipa minashapan pitama. Shiueniani nika natueniten tshekuan.
Nanitam, apu nita shukᵘ punian. Nanitam ne tshekuan ka-takuanua tshetshi tutaman.
Ma nita tshitshishkutamakaun tshetshi tutaman pashteu-uiash?
Nukum an nitshishkutamakuti tshetshi tutuak kaianauakauakanit. Pitama nimushum tutamupan kutuannu ekue tshishautshishauet.
Ekᵘ ninan, nukum mak nishimat, ninatshi-mamushatshinetan mita, akuaunissitakua.
Nitshissituten ashit, nitshitapamati nimushum etusseti pessish patshuianitshuapit. Utanapia uaueshieu, tashkaimiteu. Minuatamupanat anite etataui nutshimit.
Ne kanapua uet kukuetshimitan, nui kushpinan takuatshiki, auassat nui tshitutananat. Tshetshi kanapua nishtuapatahk ka ishinniunanunit ueshkat.
Eukuan ma kie tshika minuatamuat. Minupaniti kie ninan, eukuan tshe tutamat.
