Mate, nimushum inniu nutshimit miam utauia kie umushuma.

Mishta-minuatamukupanat etataui utassiuat tanite minuashu meshkanau mak mitshena shakaikana kie kapatakana.

e uinnuniti aueshisha ui nipaieuat, « tshimakateu aueshish nutshimit » iteuat.

Nutaui nanatuapatamᵘ ait upakassiun uin, ute etat uinipekut, ui mitshu tshiashku-uaua kie ui mueu tshiashkussa, utshashumekua mak atshikua.

Mukᵘ aishkat, apu tshika ut tshissinuapamikut innu utauassima, aianishkat tshe petuteniti.

Pitshenik tshika shetshishuat tshetshi unitaht utinnu-aitunuau.

Mamitunenitamᵘ ka aitiht nete ueshkat, pemishkataui ushkuai-utinu,

nipinu minuakamishinipan, minuenitakuannipan utinniunuau.

– Eka nita uni-tshissituta, nitikuti, takuan anite nitipenitamun nutshimit, eka ui metuatshe.

Ekue itak: « Tshe nakatamuin tshitshissenitamun, nika shaputuepan nin tshitatusseun. » Minutamᵘ nenu etak.